2019-2020 жылындағы №23 Тескентоған жалпы білім беретін мектебіндегі қамқоршылық кеңес отырысының №10 хаттамасынан анықтама

№23 Тескентоған жалпы білім беретін мектебінде 05.12.2019 күні,сағат   16.00-де №23 Тескентоған жалпы білім беретін мектебінің директоры Н.Арыстанбеков қамқоршылық кеңес мүшелері алдында өзінің жылдық есебін берді. Н.Арыстанбеков өз есебінде мектебімізде 1-11 сыныптар арасында 149 білім алушы білім алып жатқанын,1-10 сыныптар толық жаңартылған білім мазмұны бойынша білім алатыны туралы айтып өтті.Биылғы оқу жылында мектеп бойынша білім алушылардың білім сапасы 69,6 %-ды көрсетіп отыр. Мұғалімдердің біліктілігіне байланысты  жоғарғы санатты -2  мұғалім ,1 –ші санатты 10 мұғалім,2-ші санатты 5  мұғалім болса,санаты  жоқ мұғалімдер саны -8,жаңаша  педагогтарды  аттестаттау бойынша педагог-зерттеуші санатында-2,педагог-сарапшы  санатында-1, мадератор саны-3 мұғалім бар екендігін,сонымен қатар мектебімізде мұғалімдердің біліктіліктерін арттыру барысында өз пәндері бойынша  деңгейлік курстан өтулерін жоспарға сай жасап отыратындығын өз баяндамасында айтып өтті. Жалпы мектеп бойынша    деңгейлік курстан өткен 5 мұғалім оның ішінде 2-ші деңгейлі курстан өткен-3 мұғалім,3-ші деңгейлі курстан өткен-3 мұғалім екендігін және   жаңартылған білім мазмұны курстарынан мектеп  мұғалімдерінің 99 пайызы өткені айтылды. Мектеп мұғалімдері облыстық, республикалық қашықтық олимпиадаларға қатысып,жүлделі орынға ие болып жатқаны туралы да айтып өтті. Атап айтсақ математика пән мұғалімі Құрманалиев Рахат қашықтық олимпиадан 1-дәрежелі диплом, биология пән мұғалімі Ниязбекова Асел 2-дәрежелі диплом, химия пән мұғалімі Қыстаубаева Дүйсенкүл 2-дәрежелі диплом,физика пән мұғалімі Сеитова Ақмарал 1-дәрежелі диплом, қазақ тілі пән мұғалімі Шынасилова Жанар 1-дәрежелі диплом, Умирбекова Роза
 2-дәрежелі диплом,АӘД пән мұғалімі Төребаев Бауыржанның «Жас мерген» командасы Меркі аудандық әскери-эстофеталық жарыста бас жүлдені алды және дене шынықтыру пән мұғалімі Қалманбетов Нұржанның оқушылары тоғызқұмалақтан аудандық жарыстарда 2-орын,3-орындарды иеленгендігін атап өтуге болатынын айта кетті. Өткен оқу жылында ҰБТ қорытындысы бойынша мектебіміз 104 орташа балымен аудан мектептерінің арасында бесінші орынды иеленгені туралы да өз баяндамасында көрсетіп кетті. Мектебімізде мектепке жол,қамқорлық акциялары ұйымдастырылып әр түрлі санаттағы білім алушыларға көмек көрсетіліп тұратыны туралы да айта кетті. Мектепке Аққайнар ауылынан 75 оқушы тасмалданатынын,мектепте күнделікті кезекшілер қойылатынын,тасмалданатын оқушыларды кезекшілер автобусқа салып,үйлеріне оқушыларды жеткізетін арнайы бір мұғалім бекітілгенін де айтып өтті.