Меркі ауданы әкімдігінің білім бөліміне №23 Тескентоған жалпы білім беретін мектебінде «Сыйынар ем Ана деген тәңірге» тақырыбында өткізілген іс- шараның өтілуі туралы Мәлімет

Меркі ауданы әкімдігінің білім бөліміне №23 Тескентоған жалпы білім беретін мектебінде«Сыйынар ем Ана деген тәңірге»  тақырыбында өткізілген іс- шараның өтілуі туралы 

Мәлімет 

 Көктемгі басты мереке күндерінің бірінде, атап айтқанда 8 наурызда, Сүйікті ұстаздармен аяулы аналарымызға арналған «Сыйынар ем Ана деген тәңірге»    тақырыбында құттықтау іс – шарасы ұйымдастырылды. Іс- шараны  мектеп директоры Арыстанбеков Нұржан ағай  құттықтау сөзімен бастады. Өзінің құттықтау сөзінде  мектептің  игілігі үшін жұмыс  істегені үшін  әйелдер қауымына  алғысын білдірді. «Әйел – тіршіліктің тірегі, отбасының шырағы, тәрбиенің шырайы! Сіздердің бойларыңыздағы қайрат пен қажыр, шапағат пен шарапат, қайсарлық пен құлшыныс күллі әлемнің тамырына нәр беретіні сөзсіз. Бүгінде қыз-келіншектеріміз қоғамның қай саласында да белсенді, беделді қызмет етуде. Еліміздің экономикасында, білім саласында Сіздердің іздеріңіз бар.Іскерліктеріңізбен қатар, қашанда отбасыларыңыздың ұйытқысы, ырыс-берекесі болудан танбаңыздар. Сіздерді мерекелеріңізбен құттықтай отырып, зор денсаулық, отбасыларыңызға бақ-береке, еңбектеріңізге табыс тілейміз! Әрдайым жадырап, гүлдей құлпырып жүре бергейсіздер!» — деді.Сондай-ақ, жиын  шағын концерттік бағдарламаға ұласып, нәзік жанды ұстаздарға мерекелік көңіл-күй сыйлау үшін  ұстаз   туралы, ана туралы  өлең  шумақтарын   арнады.  Оқушылар « Ана » әні хормен орындалды. Сөз кезегі  математика пәні мұғалімі Құрманалиев Ахат ағайға беріліп, баланың тәрбиесімен тікелей әйелдер шұғылданатындығын және білім саласында ұстаздар қауымының басым бөлігі әйелдер екенін  тілге тиек етті.