"Қозғалмалы эстафеталық ойындар" тақырыбында ашық сабақ

Мектепішілік "Сапалы білім, тиімді жоспар, нәтижелі сабақ" жоспарына сай 23-қаңтар күні №23 Тескентоған жалпы орта білім беретін мектебінде дене тәрбиесі пәнінен "Қозғалмалы эстафеталық ойындар" тақырыбында ашық сабақ өткізілді. Сабақтың мақсаты: Оқушылардың сабаққа қызығушылығын арттыру. Салауатты өмір салтын ұстану маңыздылығын түсіндіру. Ойын барысында қауіпсіздік ережелерін сақтауға үйрету. Оқушылар сапқа тұрғызылып, рапорт қабылданды. Сәлесдесу және саптық жаттығулар реті жүргізілді.  Алаңды айнала орта жылдамдықпен жүгіру және "санамақ" әдісімен екіге бөлініп, жалпы дамыту жаттығулары орындады. "Серпілген сауал" әдісі бойынша үй тапсырмасына жауап берді. үй тапсырмасына жақсы жауап берген оқушылар қол шапалақтау арқылы марапатталды.  Жаңа сабақтың тақырыбын жасырылған суреттер арқылы тапты.  Сабақ барысында жеке және топтық тапсырмаларды орындады. Әр тапсырманы орындау кезінде оқушыларға қауіпсіздік ережелерін сақтау жөнінде нұсқау беріліп отырды. Тапсырмаларды орындаған оқушылармен топтар смайликтер және жеке мадақтау арқылы бағаланды. Сабақ соңында оқушылармен кері байланыс жүргізіліп, қорытынды жасалынды. Пән мұғалімі: Хамзаев Қанат.