«Жас ұстаз қандай болу керек?», «Цифрлық ұстаз»

2025 жылдың 17 март күні «Жас ұстаз қандай болу керек?», «Цифрлық ұстаз» тақырыбында  іс-шара ұйымдастырылды:
«Жас ұстаз қандай болу керек?» тақырыбындағы кластер құру жұмысы .  Мақсаты: Жас ұстаздардың кәсіби бағыт-бағдарын қалыптастыру, олардың бойында XXI ғасыр педагогына тән қасиеттерді дамыту.
Іс-шара барысында қатысушылар мұғалімнің көшбасшылық қабілеті, шығармашылық ізденісі, жаңашылдыққа бейімділігі, коммуникативтік және цифрлық дағдылары сынды маңызды қасиеттерді талқылап, кластер әдісі арқылы визуалды түрде көрсетті. Бұл жұмыс жас мамандардың өз кәсіби рөлін дұрыс түсініп, алдағы қызметіне бағыт алуына мүмкіндік берді. «Цифрлық ұстаз» тренингі . Мақсаты: Преподавателидің ақпараттық-коммуникациялық технологияларды тиімді пайдалану дағдыларын жетілдіру, цифрлық сауаттылығын арттыру.
Тренинг барысында интерактивті тақтамен жұмыс істеу, білім берудегі заманауи онлайн платформаларды (Kahoot, Quizizz, Canva, Google Classroom т.б.) пайдалану, цифрлық контент дайындау, жаңа бағдарламалармен жұмыс жүргізу әдістері тәжірибе жүзінде көрсетілді. Қатысушылар нақты тапсырмалар орындап, өзара тәжірибе алмасты.