«Кәмелетке толмаған жасөспірімдер арасында құқық бұзушылықтың алдын алу» тақырыбында ата-аналар жиналысы

№23 Тескентоған  жалпы орта білім беретін мектебінде 18 қыркүйек 2025 жылы  «Кәмелетке толмаған жасөспірімдер арасында құқық бұзушылықтың алдын алу» тақырыбында ата-аналар жиналысы өткізіліп, оқушылардың қауіпсіздігі мен тәрбиесі мәселесіне ерекше назар аударылды. 

Өткізу мақсаты: Кәмелетке толмаған жасөспірімдердің арасында құқық бұзушылықтың алдын алу, құқықтық сауаттылықты арттыру, ата-аналар мен мектеп арасындағы байланыс пен ынтымақтастықты нығайту,оқушылардың тәртібі мен қауіпсіздігін қамтамасыз ету. Сонымен қатар, оқушылардың бос уақытын тиімді ұйымдастыру қажеттігі де айтылды.

Іс-шараға Меркі ауданы бөлімінің басшысы А.Алтынбаева , қоғамдық кеңесінің төрағасы Ж.Жантелиев, Аудандық полиция майоры Е.Оспанбеков Сұрат ауылдық округінің әкмі  Ғ.Абақов ,   мектеп әкімшілігі және ата-аналар қатысты.

Іс-шара барысында қаралған мәселелер:

Жасөспірімдер арасындағы құқық бұзушылықтың негізгі себептері мен түрлері;                                                                                                    Құқық бұзушылықтың алдын алу жолдары;   Ата-аналардың бала тәрбиесіндегі жауапкершілігі;      Мектеп пен ата-ана арасындағы өзара әрекеттестік;Түнгі уақытта балалардың көшеде жүруіне қатысты шектеулер мен заң талаптары;    Интернет пен әлеуметтік желілердегі қауіпсіздік мәселелері.    

Жиналыс барысында  жасөспірімдер арасында кездесетін буллинг, әлімжеттік, ерте жүктілік, отбасылық зорлық-зомбылық сияқты өзекті мәселелер талқыланып, оларды алдын алу жолдары ұсынылды. Қатысушылар ата-ананың тәрбиедегі рөліне, бала қауіпсіздігін қамтамасыз етудегі жауапкершілігіне тоқталды. 

Жиналыс қорытындысында мектеп, ата-ана және тиісті мекемелер арасындағы ынтымақтастықты арттыру арқылы құқық бұзушылықтың алдын алу бойынша жұмыстарды күшейту туралы шешім қабылданды.