"Теңге – Тәуелсіздіктің тірегі" тақырыбында тәрбие сағаты

N 23 Тескентоған жалпы орта білім беретін мектебінің 1-сынып оқушыларымен
15 қараша – Ұлттық валюта күніне орай
"Теңге – Тәуелсіздіктің тірегі" тақырыбында тәрбие сағаты өткізілді.
Мақсаты:
Оқушыларға Қазақстан Республикасының ұлттық валютасы – теңгенің тарихы туралы түсінік беру.
Теңгенің біздің мемлекеттің тәуелсіздігінің негізгі белгілерінің бірі екенін ұғындыру.
Ақшаны үнемдеп жұмсауға, оны қадірлей білуге, отан сүйгіштікке тәрбиелеу.
Сабақ барысында оқушылар теңгенің шығу тарихымен танысып, алғашқы банкноттар мен монеталар үлгілерін көрді.
Теңгенің авторлары мен ұлттық құндылығымызға айналған белгілері туралы мағлұмат алды.
Сонымен бірге балаларға ақшаны дұрыс қолдану, жинақтау мәдениеті туралы түсіндіру жұмыстары жүргізілді.
10 минуттық қауіпсіздік сабағы өткізілді.
Тақырыбы: "Суқоймаларындағы қауіптер"
Мақсаты:
Оқушыларды су айдындарында (өзен, көл, канал, су қоймасы) кездесетін түрлі қауіптерден сақтандыру.
Суда өзін-өзі дұрыс ұстау, апатты жағдайлардың алдын алу, қауіп төнген жағдайда не істеу керектігін үйрету.
Балаларға қауіпсіздік ережелерін есте сақтап жүрудің маңызын түсіндіру.
Оқушылар су жағасында ойнағанда, өз бетімен суға түспеу керектігі, мұз қатпаған кезде суға жақындамау ережелерімен танысты.
Қорытынды:
Өткізілген тәрбие сағаты оқушыларға ұлттық валюта теңгенің маңызын түсіндіруге және қауіпсіздік ережелерін есте сақтауға ықпал етті.
Балалар Отанын құрметтеуге, ұлттық құндылықтарды бағалауға және өз өмірінің қауіпсіздігіне жауапкершілікпен қарауға тәрбиеленді.
Сынып жетекшісі: Шортанбаева Э